ملف ناس لــ سالغي(salarie) كيفاش يخدمو ملف ديالهم باش يحصلو على تاشيرة

بإسم الله الرحمن الرحيم

  واش انت سلاغيي هدشي كيعنيك الى ما كنتيش تقدر تشوف هنا

غدي نبدا حكايتي على ناس لخدامين و عندهم cnss شنو ملف لغدي يكون ناجح ماشي يمكن غدي يكون ناجح إلى قريتي هدشي كامل و ستوعبتي كلامي كون على ياقين غدي يكون ملفك ناجح مئة ب مئة لهدا مغديش نبخل عليكم والو غدي نعطيك شرح مبسط لغدي يكون توضيح ملف بصفة عامة سواء كانت عندك فيزا ولا مكانتش عندك كيفاش تفدا رفض وخا فيت ليك واخد فيزا هدشي لغدي نتكلم عليه هو فقط تجربة شخصية لعشتها مع كثير من ناس لكيشتغلوو ف قطاع الخاص كيفاش تمكنو من حصول على تاشيرة كيفاش تتفدا بزاف اخطاء لي انت و لا انتي مغديش تردو معهم بال

في اول شيء غدي نوصيكم عليه هو انك إلى كنتي غدي تقرر تقدم لطلب تاشيرة سياحة لدولة اروبية كيف ما كانت باش تحصل عليها غدي يخصك دير حساب عدد ايام لغدي تريح فيها ف دولة لغدي تكون فيها إن شاء الله يعني لزمك دير حسب 120 يووورو ف نهار بدون منحسبوووش تداكر طائرة و و مسائل لغدي تتقدا ولا غدي تزورها غدي تخصر فيها فلوووس هدو امور كترعي ليها قنصلية بزاااااف حيث ميمكن يكون عندك مبلغ قليل تقدم لتاشيرة باش تحصل عليها هنا انا عرف راسي غدي يجي شيء واحد غدي يقول ليها خويا ولا ولد خالتي ولا صحبي شد فيزا معندووش فلوووس ولكن هدشي مكينطبقش على كلشي باش يشد فيزا معندووش فلوووس ف بنك لهدا من مستحسن سواء كنتي ولا كنت غدي فـــ رحلة وخا تكون عدد ايام فقط 7 ايام كنفضل انك تكون حاط فلوس قبل 3 اشهر يعني مخاص يدخل حتى فلوووس بنك ديالك من غير فلوووس خلاص خدمة ديالك في حالة كنتي كتخلص كاش حاول تهضر مع شركة لي انت ولا انتي خدام فيها باش على اقل ديك 3 اشهر يدوزووو لك فيرموو حساب ديالك او يكتبووو ف بيتان دو باي ديالك انك كتخلص كاش هكا غدي تكون وضحتي امر ديال فلوووس من فين كتجيك وكاينة واحد نقطة لقليل عرفها إلى كان عندك مصدر دخل اخر كيف ما كان نوع ديالوو ( كاري دار – او كاري عمارة – او كاري أرض – او شريك ف شيء شركة او أو أو …. هنا خصك توضح مدخول عندك باش تزيد دعم ملف ديالك حيث عندك مداخيل من غير عمل ديالك هنا يسمح لك وخا يدخلوو فلوس بنك عندك في حالة معندك والو تبع طريقة اولى كاين بزاااف ناس كيسووولوني كيفاش نرووج بنك ديالي بخصوص ناس ساليغ اسيدي مكاين لا رواج لا والو غدي تكمل دكشي لموالف كديروو ف حياتك يومية كتخلص ضو كتخلص ماء كتخلص اي حاجة كتعامل ب بطاقة بنكية مزيان تستعملها حاول كل اخر شهر وفر واحد مبلغ باش حتى قنصلية تعرف مبلغ لعندك من فين كيجيك يعني راك كتوفر مبلغ في اخر كل شهر انا دويت لكم دابا على فلوووس و حساب بنكي

– غدي ندوز نهضر على ضمان إجتماعي و شحال ديال وقت كنصح بيها ناس يدفعوو

على بركة الله

بنسبة ناس لعندها ضمان إجتماعي قديم يعني فووق 3 سنوات وخا يبدلووو خدمة لخدمة مكاينش مشكل يدفع ف خدمة جديدة شرط غير ميكونش واحد مدة ديال بقيتي مريح كثر من 6 اشهر إلى جاب الله ريحتي 6 فووق من مستحسن تصبر شويا على اقل واحد _8 اشهر دفع بخدمة جديد في حالة متوقفتيش بغيتي دفع شرط غير دووز على خدمة جديدة 4 اشهر توكل على الله علاش قلت 4 اشهر باش حتى إلى طلبتي بيتان دو باي و غيرها من وتائق خدمة يكون عندك وراقهم كامل

بنسبة ناس جداد لعندها ضمان إجتماعي باقي جداد هنا غدي نقول ليهم كلما صبرتوو مزيان هنا كاين إختلاف حسب salaire إلى عندك ساليغ مزيان تقدر دفع فوق عام تدفع في حالة عندك ساليغ ظعيف شويا وخا ماشي مشكل ولكن كيعطو إعتبار ليه حيت كيشوفوو امور لغدي تخليك ترجع للمغرب حيث إلى كان عندك ساليغ طايح و انت جديد ف خدمة كشكووو بلي مغديش ترجع في حالة كنتي قديم ف خدمة فوووق 3 سنوات عندك ساليغ طايح كون على ياقين ماشي مشكل هدشي لقلت كلشيه وجهت نظري لكنشووفها انا صحيح يمكن تكون فكرتي غالطة ولكن حبيت نشركها معكم كامل باش على اقل كلشي يفهم هدشي دابا غدي نكتب لكم غير امووور لتعوضناها على ملفات فيزا شنو كيكون ف ملف شخصي ديال واحد بغي يدفع

كاين اول حاجة فوغميلا
تاني حاجة جوج تصاور
و نسخة من بطاقة الوطنية و نسخة من جواز سفر
من بعد تامين سفر
حجز فندقي او إستظافة من عند شيء واحد مقرب او صديق
حجز طائرة ميخلعووكمش بديك كنفيغمي ميمكنش تخلص طيارة انت مضامنش فيزا
شهادة عمل
شهاة اجرى
تصريح اجور من مكتب ضمان إجتماعي cnss
بيتان دو باي ديال 3 اشهر اخيرة
و كشف حساب بنكي

و كاين بعض دول لكيطلبووو بوردوروو ديال cnss كتجبووو من خدمة تا هو 3 اشهر

بقلمي : عدنان امحدي