حيلة للحصول على فيزا بريطانيا عن طريق الدراسة ام العمل التطوعي

نــهار على نـهار تاتزيد تكبر عندي المسؤولية باش نكون خدوم لأسيادي و حبابي الطبقة المثقفة للبلاد لي هوما نـتوما يــامعشر الطلبة و الطالبات لي تاتستقبلوني بكل حب و سرور فاش تاتكون عندي شي ندوة ولا محاضرة فشي جامعة ولا شي مدرسة عليا حول ريادة الأعمال و صناعة الفرص بأقل الإمكانيات,,, ديما أنبهر بإحترافيتكم في التـنظيم و الإبتسامة و الرغبة فالكفاح و هذا هو السبب المباشر لي جـا من بعد إغـتيال ولي عهد النامسا من طرف طالب صربي هههه عارفكم مازال عاقلين على هاد الدرس ديال التاريخ ههههه المهم أقسم لكم أن هادشي كامل لي تانحاول نديرو لأجلكم نابع من محبتكم و ثقتكم الراقية???? و حيت عارف ولاد و بنات الشعب عندهم مايعطيو خاصهم غير الفرصة أحيانا,

وهذا أكبر شرف بالنسبة لي باش يكون متبعك هاد الرقم ديال طلبة مهندسين و إعلاميين و إقتصاديين و أطباء,,,,, و زيد و زيد أحبكم جميعا و تانواعدكم بمفاجئة خطيرة هاد السنة لي غادي نتكلف شخصيا و بالمساعدة ديال فريق عمل إحترافي بأزيد من 1500 طالب و طالبة و خرريجين مدارس عليا و جامعات فاش تانقوليكم غادي نتكلف بيهم هيا صافي غادي ينساو شي حاجة سميتها الخدمة ولا المستقبل حيت غادي نعطيوهم كلشي و بـ0درهم المهم نخليو هاد الموضوع و المشروع لمرة أخرة و نشرحو ليكم بالتدقيق,,,,, و دابا أجيو نشرح ليكم فرصة اليوم

===============================================
Louis Dreyfus-Weidenfeld and Hoffmann Scholarship and
Leadership Programme

القــدية و ما فيها اليوم أخوتي و خواتاتي هي أنه جامعة Oxford Weidenfeld-Hoffmann دارت برنامج للمنح الدراسية والقيادة باش تدعم الطلاب المتميزين من الدول النامية في جميع أنحاء أفريقيا وآسيا وأمريكا الجنوبية لمتابعة درجة الدراسات العليا في جامعة Oxford Weidenfeld-Hoffmann Trust.

حتا لهنا مزيان كلشي واضح و باين
===============================================

و خاصك تعرف بلي أنه ليتم النظر فى المنحة الدراسية ديالك يجب عليك تحديد برنامج Louis Dreyfus للمنح الدراسية والقيادة في تمويل نموذج الدراسات العليا
و خاصك تكمل حتا استمارة المنجه الدراسية و ماتفوتش هاد الوقت بين 8 يناير / إلى غاية 19 يناير /2018 وفي حالت شفتي هاد المنشور بعد 19 يناير غير تواصل معاهم و راه تايكونو فرص خريفية و صيفية و شتوية غادي يعلموك بكل جديد ديالهم,

و هادو هوما مجالات الدراسة:
برامج الدراسات العليا المتعلقة بالزراعة والرعاية الصحية والبيئة وإدارة المياه والاقتصاد والسياسة العامة والخارجية. و الداخلية لا ماشي علا حسابك ههه علا حسابهم مكة أدرى بشعابها ههه ولكن مانخافش على الناس لي باغين قراو ولا يتدربو فبرامج دبلوماسية و عندهم علاقة الخارجية ديال المملكة المتحدة
===============================================

و هادو هوما الشروط لي خاص يكونو عندك باش تسجل

1- أول حاجة خاصك تسجل بواحدة من الدورات فى اكسفورد
2- و من بعد يجب ان تكون من احدى البلدان اللتي في طريق النمو بحال المغرب مثلا
3-هههه و هاد الشرط رقم 3 تايقوليك يجب عليك العودة الى البلد بعد الانتهاء من الدورة ههههه الله يسامح لشي وحدين غادي يبقاو تــما هههه????
4- يجب ان يكون عند المتقدمين الناجحين اهتمام في خدمة المجتمع العالمى من خلال مجال عملهم
5 – خاص هاداك الشي لي باغي تسجل فيه عندهم عندو علاقة بين داكشي لي قريتي فبلادك واهدافك المهنية و طبيعة عملك في حالك كنتي خدام و هادشي لي غادي تمشي تقراه فالمملكة المتحدة خاصو يكون تايساهم فى تحسين الحياة العامة فى بلدك الام او على المستوى الإقليمي ديالك و إلا كنتي فشكل و عطيتيهم برنامج كامل و فكرة مدروسة على أنك باغي تمشي تقرا تما باش تجي تفيد مديــنتك كازا ولا الرباط ولا مشرع بلقصيري ولا فاس ولا مكناس ولا ولا حد السوالم ولا القنيطرة,,,, ولا وجدة المهم فين ما كنتي غادي تكون متميز و فشكل و هذا هو مربط الفرص

===============================================

وهاد المنحة كلشي خالص فيها و تغطي 100% من رسوم الجامعات والكلية ومنحة لتكاليف المعيشة لا يقل عن 14،533يورو خلال مدة البرنامج. ماغادي تفكر فوالو كون غير قراي و فشكل و كلشي كاين حتا نذكرة الطائرة للرحلة الأولى و الأخيرة للرجوع لبلدك خالصة و الفيزا كذالك

تانفرح فاش تايتاصل بيا شي طالب ولا طالبة و تايقولو ليا داكشي لي حطيتي لينا تبعناه بالحرف و توصلنا بالجواب وكلشي لحد الان غادي مزيان فقط كون متميز و فشكل إلا باغي تصنع الفرصة ديالك????
===============================================

و دابا أجي نوريك كيفاش تتسجل أخويا و ختي

1- انشاء حساب على الموقع من هنا—> goo.gl/AcbPbK
2- فاش تسجل ختار المجال المناسب ليك كيما شرحت ليك فالشرط رقم 5
3- اختار الكورس المناسب كذالك

===============================================
و أي سؤال باغي جواب أكاديمي عليه تواصل معاهم هنا و راه تايجاوبو كلشي
===============================================

و هاهو المصدر أخوتي ديال هادشي لي حاولت نشرح و نبسط ليكم

===============================================

رحمة الوالدين كافية و هي أكبر كنز بالنسبة لي و تانواعدكم بالمزيد من الفرص و المفاجئات لكم يا مثــقـفي البلاد أحبكم ❤️
===============================================

قوتنا في تظامننا و إلا بان ليك هادشي فيه الخير لغـيرك بارطاجيه
الحاضر يعلم الغايب ???? بــغي الخير لغيرك غادي تلقى حتا نـتا غيرك جايب ليك حقك من الخير❤️ معادلة من الدرجة 1